Shqetësimi nga varianti Delta, Greqia dërgon policë civilë në Mykonos dhe Ios

Greqia ka dërguar efektivë policie në ishujt “problematikë”, ndërsa rastet me Covid-19 po rriten frikshëm në vend.

Autoritetet u përpoqën të forcojnë praninë e policisë në ishujt e festave si Mykonos dhe Ios pasi shqetësimet u rritën mbi sipërmarrësit vendas që nuk respektojnë masat shëndetësore që synojnë frenimin e pandemisë. 

"Varianti Delta do të thotë që çdo vend po merret me valën e katërt tani dhe jo siç pritej për në nëntor," tha ministri grek i turizmit Haris Theoharis për Guardian. 

"Ndërsa hotelet dhe vendet e tipit familjar po zbatojnë protokollet me zell, ka më shumë mbipopullim sesa do të donim të shihnim në bare, kështu që ne po përpiqemi të sigurojmë që të ruhet një ekuilibër."

Rreth 186 efektivë dhe agjentë të fshehtë janë dërguar vetëm në Mykonos.

Të enjten, 30 policë shtesë, të mbështetur nga zyrtarë të sigurisë dhe agjentë të fshehtë, u dërguan në Ios, ishulli cikladik 11 kilometra i popullarizuar me turistët e moshave të reja të cilët shkojnë për baret dhe diskotekat.

Zëvendësministri grek i mbrojtjes civile, Nikos Hardalias, tha se Mykonos dhe Ios ishin "një hap" larg autoriteteve që vendosnin kufizime të mëtejshme, dhe se situata në ishujt Zakynthos, Tinos, Lefkada, Santorini, Paros dhe Rodos ishte gjithashtu shqetësuese.

Ishujt e Greqisë jugore u shënuan me ngjyrë të kuqe të errët në hartën e Covid të Qendrës Evropiane për Parandalimin dhe Kontrollin e Sëmundjeve, që do të thotë se të gjitha udhëtimet për turizëm nuk lejohen, përveçse thelbësore, për dhe nga rajoni dekurajohen. Grupi prej 13 ishujsh përfshin Mykonos, Santorini dhe Rodos.