Atentat me armë zjarri në Manhattan, në zemër të New Yorkut. Drejtori i Përgjithshëm i gjigantit të sigurimeve shëndetësore UnitedHealthcare, 50-vjeçari Brian Thompson, u qëllua për vdekje në gjoks teksa po shkonte drejt hotelit Hilton për të marrë pjesë në një konferencë të kompanisë.
Atentatori i veshur me një xhaketë ngjyrë kremi, një maskë të zezë dhe një çantë shpine gri, i kishte bërë pritë.
Më pas ai iku i armatosur në drejtim të lindjes në Sixth Avenue, ndërsa policia u vu në ndjekje të tij.
Thompson u transportua në spitalin Mount Sinai West në gjendje kritike, por ndërroi jetë më vonë.
Thompson i cili jetonte në Minesota, u promovua në CEO i UnitedHealthcare në prill 2021, duke udhëhequr një njësi të Grupit më të madh UnitedHealth, i cili ofron përfitime nga sigurimet shëndetësore dhe farmacitë dhe është një nga kompanitë më të mëdha të vendit, me 372 miliardë dollarë qarkullim në 2023.
Personi i maskuar i dyshuar për vrasjen e Thompson iku me një biçikletë dhe besohet se u drejtua për në Central Park.
Vrasësi e priti për rreth 10 minuta që Thompson të mbërrinte përpara se të hapte zjarr nga rreth 6 metra larg, duke qëlluar disa herë, pak para orës 07.00 të mëngjesit, rreth orës 13.00 me orën tonë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
