Një përplasje treni ka ndodhur në Republikën Çeke, duke shkaktuar 4 të vdekur dhe mbi 20 të plagosur.
Në Pardubice, rreth njëqind kilometra në lindje të Pragës, një tren ekspres nate, i drejtuar për në qytetin ukrainas të Chop në kufirin me Sllovakinë, u përplas kokë më kokë me një tren mallrash.
Në mjetin e parë udhëtonin mbi 300 pasagjerë. Bilanci i përkohshëm është katër të vdekur dhe të paktën 23 të plagosur. Një shifër e tillë është bërë e ditur nga ministri i Brendshëm Vit Rakusan, i cili shkoi në vendin e aksidentit së bashku me ministrin e Transporteve Martin Kupka.
Kryeministri çek Petr Fiala foli për një “tragjedi të madhe” si dhe shprehu ngushëllimet për të afërmit e viktimave. Sipas zëdhënëses së departamentit lokal të zjarrfikësve Vendula Horakova, treni i mallrave po transportonte karabit kalciumi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
