Republika e Afrikës Qendrore ka mohuar t’i ketë lëshuar pasaportë diplomatike ish-tenistit gjerman, Boris Becker. Një diplomat i këtij vendi tha se pasaporta që Becker po përdor për të siguruar imunitet diplomatic për t’u shpëtuar procedurave të falimentit në Britani është e pavlefshme.
“Pasaporta që ai ka është false”, tha shefi i kabinetit në Ministrinë e Jashtme Cherubim Moroubama. Sipas tij, numri i serisë së pasaportës korrespondon me një prej pasaportave të vjedhura në vitin 2014.
Sipas AFP-së, pasaporta në fjalë mban datën 19 mars 2018 dhe nuk ka as vulën, as firmën e ministrit të Jashtëm, Charles Armel Doubane.
Tre herë fituesi i Uimbeldonit pretendon se emërimi i tij si diplomat nga Republika Qendrore e Afrikës i jep atij mbrojtje nga çdo pretendim ligjor.
Becker deklaroi falimentin në vitin 2017 në lidhje me një shumë parash që i detyrohej bankës private “Arbuthnot Latham”. Por ai po hetohet për pasuri të tjera.
Republika e Afrikës Qendrore e caktoi Becker-in atashe sportiv dhe kulturor në BE në prill 2018.
Avokati i tij thotë se kjo e mbron atë nga të qenit subjekt i procesit ligjor në gjykatat e çdo vendi për aq kohë sa ai mbetet diplomat.
Becker është i pari gjerman që fitoi Uimbeldonin, në moshën 17-vjeçare më 1985.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
