Deputeti i LSI-së, Përparim Spahiu, thotë se kryeministri Rama ka dështuar me projektin kinez për rrugën e Arbit.
"Kanë mashtruar në 2013, me kinezët.Rruga e Arbrit do të bëhej me kinezët, gjë që ka pasur shumë interes, por nuk morëm asnjëherë vesh, grupin e punës që u ngrit", tha Spahiu.
Për Spahiun, qeveria është në një situatë dramatike.
“Unë besoj fort që një apo dy vite atje nuk do të fillojë punë. Ishte thjesht një shfaqje në një moment dramatik që po kalon qeveria. Pas Himarës, zgjodhi Dibrën. Nisi sherrin me mediat italiane që sot ka kërkuar falje, nesër do dalë me diçka tjetër. Unë jam i bindur që ai ekran i madh nuk ja vlente aq sa u shpenzua për atë prezantim në Bulqizë”, tha Spahiu për “Orën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
