Rudina Hajdari, vajza e Azem Hajdarit, thotë se nuk do ta refuzonte një propozim për të qenë deputete e PD-së në Tropojë. E ftuar në emisionin “Debati në Channel One” të gazetarit Roland Qafoku, Rudina Hajdari u shpreh: “Tropoja është vendlindja ime dhe nëse më propozohet për të qenë deputete atje do ishte nder për mua”.
Rudina Hajdari është kthyer nga SHBA ditët e fundit për të jetuar në Shqipëri dhe për të nisur një karrierë në politikë.
Kryetari i PD-së, Lulzim Basha, e prezantoi pak ditë më parë zonjën Hajdari si kordinatore për Marrëdhëniet me Jashtë në PD.
Gjatë emisionit Rudina Hajdari tha se kërkon ta vazhdojë kauzën e të atit aty ku e la ai nëpërmjet angazhimit total në politikë.
“Natyrisht Shqipëria ka ndryshuar shumë këto vite dhe babai im bëri politikë në një kohë tjetër, por ideali I tim tim eti më bën mua të kem modelin për të bërë politikë për një Shqipëri më të mirë”, tha Rudina Hajdari.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
