Pjesa jugore e Uellsit në Mbretërinë e Bashkuar është prekur nga përmbytjet që erdhën si pasojë e stuhisë “Bert”.
Mediat britanike raportojnë se dhjetëra banesa, biznese, dhe disa shkolla, u prekën nga vërshimet e ujit.
Në platformat sociale janë publikuar pamje që tregojnë përpjekjet e jashtëzakonshme të banorëve të Pontypridd, të cilët me mjete rrethanore përpiqen të mbrojnë shtëpitë nga vërshimi i lumit.
Disa tentojnë dëshpërimisht të zbrazin oborret e shtëpive nga uji përmes kovave plastike.
Të tjerë grumbullojnë thasë me rërë në hyrje të banesave. Kjo po konsiderohet si një nga përmbytjet e dyta më të mëdha që kanë prekur zonën në 4 vitet e fundit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
