Komisioni Evropian pyet Tiranën: A është në detyrë ministrja e Integrimit, Klajda Gjosha? Shkak është bërë lapsusi me datën e delegimit te kompetencave. Pasi shkoi në Maltë (Shërbimi jashtë vendit), ministrja Gjosha delegoi kompetencat për...5 muaj. Sot është botuar në fletoren zyrtare, Urdhri nr. 5, datë 20.01.2017 “Për delegim kompetence”, i cili mban firmën e Ministres së Integrimit Europian, znj. Klajda Gjosha. Në këtë urdhër, Ministrja e Integrimit Europian, Klajda Gjosha, për shkak të një udhëtimi zyrtar pune në Maltë, i ka deleguar kompetencat, Zv. Ministres Eralda Çani, për një periudhe dy ditore(Procedurë e zakonshme, kur Ministrja udhëton me shërbim jashtë vendit). Delegimi i kompetencave është bërë për periudhën 23.01.2017 deri me 24.01.2017(data kur është mbajtur takimi i Ministrave dhe Sekretarëve të Shtetit për Çështjet Europiane, në kuadër të Presidencës së Maltës). Në Urdhrin e konceptuar nga specialisti i sektorit Juridik, është bërë një ngatërrim i datës ku dt. 24. 01.2017, është shkruar 24.06.2017. Ky gabim shkrimi, është konstatuar nga Drejtoria përkatëse e Ministrisë së Integrimit Europian, dhe është bërë korrigjimi sipas Kodit të Procedurave Administrative të Republikës së Shqipërisë, neni 112 (Korrigjimi i gabimeve materiale në aktin administrativ), ku janë reflektuar ndryshimet në periudhën e delegimit. Urdhri fillestar është shfuqizuar.
“Ju bëjmë me dije, njofton zyra e shtypit, se Ministrja e Integrimit Europian, Klajda Gjosha, vijon të ushtrojë detyrën e saj dhe në asnjë rast nuk ka deleguar kompetencat për një periudhë më të gjatë se ajo e shërbimeve jashtë vendit, në funksion të ushtrimit të detyrës së saj”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
