Kreu i LDK’së Isa Mustafa e ka konfirmuar se Avdullah Hoti është emri që kanë zgjedhur për të nomimuar për kryeministër.
Mustafa tha para mediave se partia e tij kishin kërkuar që ai të jetë kandidat.
“Ishte kërkesë e gati të gjithë anëtarvëe që unë të marr këtë përgjegjësi, sepse ata konsideronin si vullnet dhe përgjegjësi të tyre, unë e arsyetova para krysesisë që nuk jam në gjendje të marrë këtë përgjegjësi”, tha kreu i LDK’së.
Ai tha se janë diskutuar disa emra, por, në fund është vendosur për Avdullah Hotin.
“Ne kemi diskutuar për Avdullah Hotin, Lutfi Hazirin, Kujtim Shalën, ka pas edhe emra të tjera, me vullnetin e të gjithëve jemi pajtuar që z.Hoti të propozohet nga kryesia e LDK’së, për kryeministër”, ka deklaruar ai.
Pas mbledhjes së sotme të Kryesisë së LDK’së, Avdullah Hoti, në një konferencë për media ka folur në cilësinë e kandidatit për kryeministër për procesin e dialogut dhe për çështjen e reciprocitetit.
Hoti ka thënë se si çështje të rëndësishme fillimisht do të jenë përballja me pandeminë COVID-19 dhe rimëkëmbja ekonomike, megjithatë shton se dialogut me Serbinë është gjithashtu një nga çështjet më të rëndësishme që do të përballen.
“Tash jemi para një situate të re, kam marrë besimin nga LDK për të provuar të ndërtojë qeverinë e re që do të ketë sfidën e parë, menaxhimin e pandemisë. Sfida e dytë do të jetë rimëkëmbja ekonomike, sepse pasojat ekonomike të kësaj pandemie do të jenë shumë të mëdha.Çështja e dialogut është cështje kryesore me të cilën do të bllafaqohemi. Unë besoj që nga platforma që kemi nga viti 2018 dhe nga vendimi i Kushtetuteses për Ligjin për dialogun, janë vendosur bazat mbi të cilët do të kryhet dialogu”, ka thënë Hoti.
Ai ka thënë se procesi i dialogut do të drejtohet nga Qeveria dhe se do të provohet që të ndërtohet edhe consensus më i gjërë me qëllim të përmbylljes së problemit me Serbinë.
“Dialogu do të udhëhiqet nga qeveria, dhe do të provojmë të krijojmë një konsensus të përgjithshëm edhe brenda koalicionit, pro do të tejkalojmë edhe suazat e koalicionit për të dalim edhe tek opozita, dhe shoqëria e civile e bota akademike që të jenë të përfshirë në këtë proces në mënyrë që ta përmbyllim këtë process, për të konsoliduar”, ka shtuar tutje Avdullah Hoti.
Teka ka folur për çështjen e reciprocitetit, Hoti ka thënë se masa të tilla mund të jenë efektive vetëm nëse koordinohen me partnerët ndërkombëtarë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
