Presidentja e Kosovës, Vjosa Osmani, do të takohet sot në Pragë me kancelarin gjerman Olaf Scholz dhe presidentin francez Emmanuel Macron, raporton “Koha.net”.
Kryetarja e shtetit të Kosovës gjendet në Pragë në kuadër të mbledhjes së Samitit të Komunitetit Politik Evropian (EPC). Mësohet se një ndër temat që do të diskutohet në takim është dialogu Prishtinë-Beograd.
Presidenti serb Aleksandër Vuçiç pritet të takojë po ashtu kancelarin Scholz dhe Presidentin Macron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
