Trajneri Ardi Behari, analizoi në emisionin “Skaner” në MCN TV, fitoren e Partizanit në derbi ndaj Tiranës.
Behari u shpreh se i pëlqyen ndërhyrjet e trajnerit Colella nga stoli, të cilat sipas tij ishin të duhura dhe në kohën e duhur.
Do e shikoja me dy panorama. Një pjesë e parë e dominuar nga Partizani. Topi dilte kollaj për shkak të Matondo, që nuk ishte i mbuluar. Në pjesën e parë çdo gjë shkoi perfekte për Partizanin. Ajo që i kushtoi shumë të kuqve, ishte shpenzimi i energjive, për shkak të hapjes se mesfushorëve të rombit. Në pjesën e dytë, Tirana kishte epërsi. Filloi ta merrte mesfushën.
Aty më pëlqeu që ndërhyri trajneri Colella dhe ndryshoi skemën. Partizani ishte shumë kompakte. Më pëlqeu për pjesën e ndërrimeve, që ishin të duhura, në kohën e duhur. Ishte në varësi të asaj që solli loja. Çdo gjë ishte perfekte në të dyja fazat. Duhet thënë edhe kjo, që mungesat te Tirana ndikuan shumë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
