Në Paris dhe në 410 komuna në brendësi të tij ndalohet konsumimi i vezëve të prodhuara nga fermat vendase të pulave për shkak të përqendrimit të lartë të substancave ndotëse dhe toksike, të dëmshme për shëndetin e njeriut.
Kështu bën të ditur gazeta ‘Le Parisien’, duke ngritur alarmin për cilësinë e vezëve në France të lëshuar nga Agjencia Rajonale e Shëndetësisë (Ars) pas publikimit të përfundimeve të një studimi të thelluar.
Analizat e lëndës së parë identifikuan një “ndotje të përgjithësuar” me “ndotës organikë të qëndrueshëm në tokë dhe në vezët e pulave nga fermat shtëpiake, si në Paris ashtu edhe në departamentet e brendshme.
Për ndotjen është përgjegjëse inceneratori i mbetjeve Ivry-sur-Seine, një nga impiantet më të mëdha në Europë, me një kapacitet trajtimi prej 730 mijë tonësh në vit dhe i ndërtuar shumë pranë shtëpive dhe lumenjve, në brezin e parë.
“Këto janë dioksina, furane, bifenile të poliklorinuara dhe komponime perfluoroalkil (PFAS)”, thuhet në deklaratën e agjencisë rajonale të shëndetësisë.
Konsumi i rregullt, disa herë në javë dhe për disa vite, i vezëve të prodhuara në ambientet e shtëpive të pulave sjell “mbiekspozim ndaj ndotësve në krahasim me popullatën e përgjithshme dhe për rrjedhojë rritje të rrezikut të zhvillimit të efekteve shëndetësore”, nënvizon institucioni kompetent.
Kufizimet kanë të bëjnë me zonën e Parisit, pra 410 komuna, përveç kryeqytetit, qytetet Seine-Saint-Denis, Hauts-de-Seine, Val-de-Marne, disa bashki të Seine-et-Marne, Yvelines, d’Essonne dhe Val-d’Oise.
Ndotësit e zbuluar kanë, një efekt të mundshëm dëmtues endokrin i cili mund të shkaktojë sëmundje kronike dhe të veprojë në zhvillimin e funksioneve riprodhuese dhe imune.
Fëmijët, gratë shtatzëna dhe foshnjat që ushqehen me gji janë veçanërisht të ekspozuar ndaj rrezikut shëndetësor, por rekomandimi ka të bëjë me të gjithë popullsinë e 410 komunave të përfshira.
Konsumimi i vezëve nga pulat shtëpiake më pak se një herë në javë mbetet i mundshëm, por jo i rekomanduar për këto tre kategori të popullsisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
