Presidenti i Serbisë, Aleksandër Vuçiç, ka planifikuar një takim të Këshillit të Sigurisë Kombëtare për të shtunën.
Një takim i tillë, sipas mediave serbe, është thirrur pikërisht më 4 gusht, ditën që do të formohej Asociacioni i Komunave Serbe në Kosovë.
Sipas raportimeve të "Blic", ka informacione operacionale se shqiptarët do të përpiqen të marrin Gazivodën me ndihmën e NATO-s.
“Në takim do të diskutohet gjithashtu edhe se si të mbrohen interesat dhe populli në Kosovë”, shkruan media serbe.
Mbledhja e tyre vjen disa orë pasi kryeministri Haradinaj mblodhi Këshillin Kombëtar të Sigurisë për të diskutuar gjendjen e sigurisë në Kosovë.
Pas përfundimit të këtij takimi, Haradinaj ka deklaruar se temë e këtij takimi ishte gjendja e rendit, ligjit dhe sigurisë në vend dhe çështja e afateve kohore që ndërlidhen me Asociacionin.
“Temë e ditës ishte gjendja e rendit dhe ligjit dhe sigurisë në vend dhe këtë referim i politikës së fundit që ka ndodhur, pastaj reflektim i afateve kohore që lidhen me Asociacionin. Kam kërkuar rritjen e gatishmërisë të institucioneve të rendit dhe ligjit në mënyrë që të sigurojmë rend dhe ligj në siguri”, deklaroi kryeministri Haradinaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
