Shtatë vjet pasi shkaktoi një aksident ku vdiqën tre vëllezër minorenë, një shqiptar është arrestuar në Itali. Mark Marku është kapur nga karabinierët e Milanos, pas një sinjalizimi të Interpolit. Marku, 34 vjeç, ishte arratisur në Itali për t’i shpëtuar dënimit me 8 vjet burg. Ai jetonte në Milano, ndërsa tani ndodhet në burgun e San Vittores, në pritje të ekstradimit.
Aksidenti ka ndodhur në Shqipëri në ditën e Krishtlindjeve 2010, kur Marku udhëtonte i dehur me makinën e tij tip “Golf”. Një manovër e rrezikshme e tij ka bërë që të përplasej me një tjetër “Golf” me të cilin udhëtonin dy prindër me tre fëmijët e tyre. Dy prindërit mbijetuan, por humbën tre fëmijët e moshës 6, 9 dhe 12 vjeç.
Testi i alkoolit tregoi se Marku po e drejtonte makinën në gjendje të dehur. Në vitin 2013, Gjykata e Krujës e dënoi Markun me 8 vite burg. Por ai u largua drejt Italisë, kur prej disa vitesh punonte në një fabrikë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
