Prokuroria e Përgjithshme ka nisur punën për verifikimin e pastërtisë së figurës së kryebashkiakut të ri të Vorës, Agim Kajmaku.
Nga Sektori i Dekriminalizimit pranë organit të akuzës, bëjnë të ditur për Tema TV se puna për verifikimin ka nisur që të premten, ditë në të cilën ka mbërritur edhe kërkesa e Partisë Demokratike për kryebashkiakun Kajmaku.
Demokratët pretendojnë se Kajmaku është ndaluar dhe më pas është dëbuar nga shteti grek.
Autoritetet shqiptare pritet të dërgojnë letër-porosi në Greqi, për të kërkuar të dhëna nëse Kajmaku ka qenë ose jo i dënuar në shtetin helen.
Ndërkohë, PD denoncoi më herët edhe kryebashkiakun e Shkodrës, Valdrin Pjetri, për të kaluarën e tij, akuza të cilat u hodhën poshtë nga ky i fundit, por pas dokumenteve të publikuara, Pjetri rezultoi të ketë qenë i dënuar.
Në ditët në vijim, Prokuroria e Përgjithshme pritet të ketë një përgjigje zyrtare, në lidhje me denoncimet e bëra nga Partia Demokratike, ndërsa kjo e fundi thekson se rasti Pjetri dhe Kajmaku nuk janë raste të izoluara.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
