Mes gjithë personazheve të njohur, politikanëve dhe pjesëtarëve të familjeve, që morën pjesë në ceremoninë e inaugurimit të Joe Biden të mërkurën, mediat dalluan edhe ish-gruan e bashkëshortit të Kamala Harris, Kerstin Emhoff.
Nëna e dy fëmijëve njoftoi në rrjetin e saj social se do të bëhej pjesë e ceremonisë, të cilën e ndoqi me krenari. Ajo publikoi një foto të saj dhe dy fëmijëve që ka me ish-bashkëshortin Doug Emhoff, Cole, 26 vjeç dhe Ella, 22 vjeçe.
Në fotot e Kerstin Emhoff në Instagram ajo shkruante se ishte shumë e emocionuar, ndërsa tregonte mbështetjen për gruan e ish-bashkëshortit të saj.
Themeluesja e kompanisë së prodhimit ‘Prettybird’ është divorcuar nga Doug Emhoff në 2008-n. Kerstin dhe Doug ishin të martuar prej 25 vitesh para se të divorcoheshin.
Harris u martua me Emhoff në gusht të 2014-s, ajo u bë njerka e Cole dhe Ella, për të cilët foli shumë gjatë gjithë fushatës.
Në një intervistë në gusht Harris foli për lidhjen e saj të ngushtë me të dy:
"Fëmijët e mi nuk më quajnë njerka, ata më quajnë Momala. Jemi një familje shumë moderne. Nëna e tyre është një mikja ime e ngushtë".
Emhoff, e cila u pa e ulur disa rreshta pas fëmijëve të saj gjatë betimit të së mërkurës në mëngjes, është përshkruar nga Harris si një "mikeshë e dashur".
Burimi People dhe The Independent
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
