Gjykata Kushtetuese ka vendosur me votë unanime të pezullojë dekretin e Presidentit Bajram Begaj për mbajtjen e zgjedhjeve në Bashkinë e Tiranës.
Në këto kushte, zgjedhjet e planifikuara për 9 nëntor, për avokatin Ermal Hamataj, nuk do të zhvillohen.
I ftuar në “MCN Live”, Hamataj komentoi vendimin dhe pasojat që ai ka në procesin zgjedhor.
Ky vendim i Gjykatës Kushtetuese e bën të qartë se data 9 nëntor tashmë është pjesë e së kaluarës. Edhe sikur Kushtetuesja të japë vendimin final më 31 tetor, nuk ka më kohë për të ndjekur të gjithë hapat ligjorë që kërkon Kodi Zgjedhor, regjistrimi i kandidatëve, fushata elektorale dhe përgatitjet teknike nga KQZ.
Vendimi nuk duhet parë si një mbrojtje politike për ndonjë figurë të veçantë, por si një ndërhyrje e nevojshme juridike për të vendosur rregull në një situatë të paqartë.
Ky nuk është një veprim për të mbrojtur kryetarin aktual të bashkisë apo ndonjë aktor tjetër.
Është një ndërhyrje e drejtë nga Kushtetuesja për të normalizuar një amulli të madhe, të krijuar si pasojë e debatit politik dhe interpretimit të ligjit.
Në një hipotezë realiste, Hamataj shpjegoi zgjedhjet për Bashkinë e Tiranës mund të mbahen më së herëti në janar ose shkurt 2026.
Nëse Gjykata Kushtetuese shfrytëzon të gjitha afatet që i jep ligji, përfshirë periudhën 30-ditore për shpalljen e vendimit, atëherë zgjedhjet për Bashkinë e Tiranës mund të mbahen më së herëti në janar ose shkurt 2026.
Në këto kushte, nuk ka arsye që deklaratat politike të lidhen drejtpërdrejt me vendimin e Gjykatës Kushtetuese, pasi aktorët politikë bëjnë politikë, ndërsa Kushtetuesja zbaton Kushtetutën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
