GJKKO-së i janë shtuar dy gjyqtarë pasi Kolegji i Posaçëm i Apelimit ka rikthyer në detyrë Ardit Mustafën dhe Bib Ndrecën.
Mustafa dhe Ndreca kanë qenë gjyqtarë në ish-Gjykatën e Krimeve të Rënda, por u shkarkuan nga Komisioni i Pavarur i Kualifikimit.
Ata fituan procesin në shkallën e dytë të vetingut, teksa është urdhëruar emërimi i tyre në detyrë të enjten e 29 majit.
Këtë të premte Bib Ndreca ishte pjesë e trupës gjykuese të dosjes “Plumbi i Artë”, ndërsa Ardit Mustafa fillon në datën 19.06.2024.
Me rikthimin në detyrë të Mustafës dhe Ndrecës, Gjykata e Posaçme numëron 11 gjyqtarë në total, ndërsa organika e saj e plotë parashikon 16.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
