Pas arrestimit me urdhër të SPAK, Presidenti i Partisë së Lirisë, Ilir Meta ka mbërritur në ambientet e Drejtorisë së Policisë së Tiranës e më pas është nisur për te Blloku i Sigurisë (qendra ku dërgohen fillimisht të arrestuarit).
Meta u prangos me urdhër të Prokurorisë së Posaçme kundër Korrupsionit (SPAK), ndërsa po kthehej nga Kosova. Meta u arrestua forcërisht nga oficerët e BKH-së në zonën e Mbikalimit të Kthesës së Kamzës.
Ndaj kreut të PL rëndojnë tri akuza, pastrim parash, korrupsion dhe mosdeklarim të pasurive.
Kujtojmë që Ilir Meta është marrë më herët në pyetje nga oficerët e BKH-së në lidhje me aferën CEZ-DIA.
Gjithashtu ndaj Metës dhe Kryemadhit ka një hetim pasuror në lidhje me çështjen e lobimit në SHBA.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
