Eksperti i ekonomisë Pano Soko tha përmes një lidhje “Skype” me studion e MCN Live se sektori i shëndetësisë po keqtrajtohet financiarisht dhe se është ky thelbi nga ku nisin abuzimet.
Sipas Sokos, zgjidhja e gjithë këtij problemi fillon tek pagesa, pasi mjeku duhet të jetë profesionisti më i paguar së bashku me gjyqtarin dhe mësuesin.
Thelbi i problemit është keqtrajtimi financiar që i bëjmë sektorit të shëndetësisë. Një mjek nuk fillon duke ndërtuar skema komplekse, por fillon duke u korruptuar me pak lekë. Diku merr një ryshfet të vogël 2 mijë lekë, dhe pastaj e quan si detyrim. Pastaj bëhet 5, pastaj 10. Pastaj bëhet me euro. Nëse duam ta ndalojmë, nuk është duke anatemuar 5 mjekët, pasi jo të gjithë janë të tillë, bëhet duke ndaluar pikëburimin, duke frenuar mjekun të mos e shtrijë dorën për 20 eurot e para, se këto shtrojnë rrugën që të bëhet 100, 200 e më tej.
Çfarë duhet ta bëjmë ne? Këtë e zgjidh vetëm politika, vetëm qeveria. Zgjidhja është kaq e thjeshtë sa e ndërlikuar. Si mendon qeveria se jetojnë ata njerëz? Ku i gjen lekët ai, pasi ti nuk i jep asnjë lek. Në cilën shekull jetojmë që mjeku paguhet më pak se drejtori i një drejtorie në ministri. 5 herë më pak se deputeti, ndërkohë që në hierarkinë e vlerës është e kundërta.
Zgjidhja fillon tek pagesa. Mjeku duhet të jetë profesioni më i paguar, baraz me gjyqtarin, baraz me mësuesit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
