Nepali ka njohur martesën e parë transgjinore.
Lajmin e bënë me dije vetë autoritetet e vendit.
Maya Gurung, një grua transgjinore 41-vjeçare (domethënë një burrë që bëhet grua përmes operacioneve kirurgjikale) dhe Surendra Pandey, një burrë 27-vjeçar, të cilët u bashkuan në vitin 2017 gjatë një ceremonie hindu, morën certifikatat e tyre të martesës të mërkurën në një lokalitet në rrethin qendror të Lamjung.
Yubraj Adhikari, kryetari i Bashkisë Rurale Dordi, tha se certifikata është lëshuar sipas udhëzimeve të Departamentit të Identifikimit Kombëtar dhe Gjendjes Civile, pas një vendimi të favorshëm nga Gjykata e Lartë.
Gjykata në fakt lëshoi një urdhër të përkohshëm në qershor që lejonte të njihej bashkimi i transgjinorëve dhe personave të të njëjtit seks, duke i bërë thirrje qeverisë të krijojë një regjistër të ri të përkohshëm, në pritje të legjislacionit përkatës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
