Kardinali Daniel DiNardo, presidenti I Konferencës së Arkipeshkëve Katolikë në ShBA ka shprehur tronditjen dhe dhimbjen e tij për katastrofën që po ndodh në Paris, duke e quajtur katedralen “një thesar botëror”.
“Zjarri i tmerrshëm që ka përfshirë Katedralen e Parisit është tronditës dhe na ka trishtuar të gjithëve. Kjo katedrale nuk është vetëm një kishë madhështore, por gjithashtu një thesar botëror. E shkëlqyer në arkitekturë dhe art, prej kohësh ajo është një simbol i transhendencës së shpirtit njerëzor dhe të dashurisë sonë për Zotin. Zemrat tona shkojnë te Arkipeshkvi dhe njerëzit e Parisit. Ne lutemi për njerëzit e Parisit…”
Ndërkohë, turmat nuk largohen. Sipas dëshmitarëve, njerëzit këndojnë duke thyer heshtjen e zymtë, madje shumë prej tyre janë gjunjëzuar.
Ato janë të mbledhur rreth katedrales duke kënduar psalme ndërkohë që katedralja historike vazhdon të digjet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
