Vritet me armë një person në Memaliaj

Të shtëna me armë zjarri janë regjistruar pak minuta më parë në Memaliaj.

Dyshohet se një person është vrarë pasi një konflikti çasti në qendër të qytezës.

Rreth orës 20:50, në Memaliaj, dyshohet se pas një konflikti, shtetasi D. N., 29 vjeç, ka qëlluar me armë zjarri shtetasin Endri Goxha, 30 vjeç, i cili ka humbur jetën rrugës për në spital. 

I plagosur, në rrethana ende të paqarta, ka mbetur edhe vëllai i autorit të dyshuar, shtetasi D. N., 25 vjeç, jashtë rrezikut për jetën. 

Autori i dyshuar, pas ngjarjes, është larguar me automjet.

Shërbimet e Policisë janë vënë në ndjekje të tij. Ndërkohë, është ngritur një grup i posaçëm hetimor, në drejtimin e Prokurorisë, për sqarimin e rrethanave dhe dokumentimin ligjor të ngjarjes.