Gjykata e Apelit vendosi të mos pranojë ankimimin e bërë nga pjesa e drejtuar nga zoti Lulzim Basha, duke lënë kështu automatikisht në fuqi, vendimin e shkallës së parë i cili njohu Kuvendin e thirrur nga ish kryeministri Sali Berisha dhe mbështetësit e tij, në dhjetor të vitit 2021, si dhe vendimet që pasuan me ngritjen e strukturave të reja partiake dhe një proces votimi që zgjodhi në krye si drejtues, zotin Berisha.
Deputeti i PD-së dhe nënkryetari i Kuvendit, Agron Gjekmarkaj, i ftuar në emisionin “Të paekspozuarit” në MCN tv, e quajti këtë një akt patriotik në të mirë të pluralizmit të vendit dhe opozitës.
Unë kam pasur dilema dhe frikë deri në momentin e fundit që ndoshta nuk mund të ndodhte kështu që mund te futeshin duart, por për hir të vërtetës tre gjyqtarët nuk mund të fusnin duart përballë historisë s ë opozitës shqiptare dhe e gjykoj si një akt patriotik.
E gjykoj si një akt që i bërë pluralizmit dhe vendit.
Është një kthesë pozitive në tërësi sepse tashme është e qartë dhe nga pikëpamja legale ku është opozita e vendit. Tani fillon një periudhe e re për opozitën ajo e një marrëdhënie të re me publikun, një rikonceptim që ta bind atë të jetë e votuar për të bërë ndryshim në Shqipëri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
