Pas një krize të frymëmarrjes Papa Françesku, 88 vjeç, kaloi një natë të qetë. Françesku pati një krizë të frymëmarrjes të premten që kërkon ventilim mekanik jo-invaziv, tha Vatikani.
“Nata kaloi e qetë, Papa po pushon”, tha Zyra e Shtypit e Selisë së Shenjtë në përditësimin e saj të fundit mbi shëndetin e Papës të shtunën në mëngjes me orën lokale.
Ai kishte përjetuar një bronkospazmë që çoi në një episod të vjellash. Më pas ai filloi ventilimin joinvaziv dhe po reagonte mirë. Papa vazhdon të jetë i ndërgjegjshëm dhe vigjilent.
Papa Françesku u shtrua në spital më 14 shkurt pasi një periudhë njëjavore e bronkitit u përkeqësua.
Mjekët fillimisht diagnostikuan infeksionin kompleks viral, bakterial dhe fungal të traktit respirator dhe më pas fillimin e pneumonisë në të dy mushkëritë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
