Një fëmijë 5-vjeç u përplas në tokë dhe u plagos nga një mundës profesionist pasi fëmija u përpoq ta mbyste gjatë ndeshjes në Meksikë.
Momenti tronditës është filmuar dhe në të shihet teksa Einar Cruz i njohur si “Einar El Vikingo”, përplas në tokë fëmijën e identifikuar si Mateo.
Mateo zgjati dorën për në qafën e mundësit 21-vjeçar, i cili pas kësaj u ngrit dhe e sulmoi atë duke e përplasur fortë në tokë.
Djali i tha rrjetit televiziv meksikan të lajmeve Telediario se ai donte të mbyste Einar El Vikingo sepse ai ishte në ekipin e horrave.
Pamjet treguan gjithashtu se si një grup kalimtarësh pranë unazës i erdhën në ndihmë Mateo dhe e qortuan El Vikingo për veprimet e tij.
Mundësi u arrestua disa çaste më vonë, por jo para se disa persona ta sulmonin atë për veprimin që bëri me të miturin.
El Vikingo u la i lirë nga paraburgimi të dielën pasi nëna e Mateo u paraqit para zyrës së prokurorit të qytetit të Meksikës dhe e fali atë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
