Deputetja Mesila Doda kujton protestat dhe grevën e urisë së 26 viteve më parë, kur studentët e asaj kohe u bënë protagonistë të një ndryshimi të madh historik.
“Dikush ka shkrepur këtë foto timen në grevën e 20 shkurtit në moshën 20-vjeçare. Nuk e di kush e ka bërë por e falënderoj nga zemra. Dhuratë shumë e veçantë për mua.
Në kujtim të atyre ditëve...”, shkruan Doda në “Facebook”.
Doda ka postuar edhe një video të asaj kohe, ku flet me emocion për grevën e urisë në vitin 1991 dhe praninë e vajzave në të.
“Kjo video është marrë në fund të grevës së urisë ‘91. Studentja 20 vjeçare në video është shumë larg me të sotmen, por një gjë është e sigurt… 20-vjeçare dhe më shumë se e ndrojtur pati fatin të ishte pjesë e brezit kurajoz që sfidonte sistemin dhe Enver Hoxhën.
Tash pas shumë vitesh sfidat janë të ndryshme, kurajo mbetet, ndërsa frika është vrarë para çerek shekulli…
Sfidat e sotme janë ndaj diktaturave të reja, ndaj korrupsionit dhe arrogancës, sfidë ndaj sistemit politik autokratik e diktatorial që është krijuar dhe që po i merr frymën Shqipërisë dhe shqiptarëve”, shkruan Mesila Doda.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
