Shkencëtarët kanë zbuluar një fosil të ri, të plotë një zvarranik ujor 5 metra të gjatë nga periudha Triasik.
Krijesa daton 240 milionë vjet më parë dhe është quajtur “dragua” për shkak të qafës jashtëzakonisht të gjatë.
Quhet Dinocephalosaurus orientalis, një specie e cila u identifikua fillimisht në vitin 2003.
Ky fosil i ri spektakolar i ka lejuar shkencëtarët të shohin anatominë e plotë të kësaj bishe të çuditshme prehistorike.
Nick Fraser, nga Muzeu Kombëtar i Skocisë, i cili ishte pjesë e ekipit ndërkombëtar që studioi fosilin, tha se kjo ishte hera e parë që shkencëtarët ishin në gjendje ta shihnin atë plotësisht.
Ai e përshkroi atë si “një kafshë shumë të çuditshme”.
Studiuesi spekuloi se një “qafë e gjatë, e përkulur dhe fleksibël”, me 32 rruazat e saj të veçanta, mund të kishte dhënë një avantazh gjuetisë, duke lejuar Dinocephalosaurus orientalis të kërkonte ushqim në të çarat nën ujë.
Fosili u zbulua në depozitat e lashta të gurit gëlqeror në Kinën jugore.
“Ky zbulim thjesht shton çuditshmërinë e Triasikut,” tha Dr Fraser për BBC.
“Dhe sa herë që shikojmë në këto depozita, gjejmë diçka të re.
Punimi që përshkruan një grup fosilesh të reja të kafshës është botuar në revistën Earth and Environmental Science: Transactions of the Royal Society of Edinburgh.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
