Kryeministri grek, Kyriakos Mitsotakis, i është bashkuar sot ceremonisë së lamtumirës së fundit për Kryepeshkopin e ndjerë Anastas Janullatos.
Kreu i qeverisë greke ka hyrë në ambientet e katedrales “Ngjallja e Krishtit” rreth orës 11:00, fill pas nisjes së meshës nga Patriarku Ekumenik i Kostandinopojës, Bartolomeu.
Pas homazheve para arkëmortit ai shtrëngoi dorën me kryeministrin Edi Rama dhe kreun e PD Sali Berisha.
Mistotakis ndodhet në ceremoni bashkë me 5 ministra të kabinetit qeveritar si dhe liderin e opozitës greke, si dhe Kryepeshkopin e Athinës.
Pjesë e axhendës së ceremonisë mortore, është edhe fjala që pritet të mbajnë Mitsotakis dhe Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
