Tirana është fituesja Superkupës së Shqipërisë. Kampionët në fuqi, mposhtën Vllazninë me rezultatin 3-2.
Shkodranët kaluan të parët në avantazh me Esat Malën në minutën e 7-të, por bardhblutë barazuan shifrat me një supergol të Patrick pak minuta para se të mbyllej pjesa e parë.
E dyta ishte edhe më spektakolare, me Tiranën që kaloi në avantazh me Hasanin në minutën e 56-të.
Latifi barazoi shifrat me penallti në minutën e 86-të dhe u mendua se ndeshja do shkonte me shtesa, por nuk ndodhi kështu.
Në minutën e 92, ishte Redon Xhixha, i cili përfitoi nga një top i mbetur në zonë, për ta dërguar në rrjetë. Rezultati nuk ndryshoi deri në fund dhe Tirana merr kështu Superkupën e Shqipërisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
