Rashiç nuk i merr votat për t'u zgjedhur nënkryetar i Kuvendit të Kosovës

Kandidati për nënkryetar të Kuvendit të Kosovës nga komuniteti serb, Nenad Rashiç, nuk i ka marrë votat e duhura gjatë seancës së sotme. 

Deputetët e Lëvizjes Vetëvendosje kanë bërë thirrje para seancës që të votohet Rashiçi për nënkryetar të Kuvendit, duke shtuar se për deputetët e Listës Serbe nuk kanë votë. Pas dy votimeve të dështuara sot, Rashiç i mbetet edhe një tjetër tentativë.

Të shtunën do të mbahet vazhdimi i seancës konstituive të Kuvendit të Kosovës.

Zyra për Media e Kuvendit ka njoftuar se pas 48 orësh nga e enjtja, seanca do të fillojë nga ora 11:00.