Themeluesi i lëvizjes “Zgjidhja”, Koço Kokëdhima, u shfaq shumë kritik në lidhje me qeverinë e kryeministrit Rama mbrëmjen e së martës në emisionin “Opinion”. Kokëdhima tha se baza e PS-së ndihet e tradhtuar nga Rama.
“Baza e Partisë Socialiste është tradhtuar nga ana e bazës së saj. Edi Rama, por edhe liderët e tjerë politikë në vend kanë tradhtuar idealet e bazës. Unë jam për reformimin e PS, për të diskutuar brenda kësaj partie politike. Unë kam publikuar pikëpamjet e mia gjatë 3 viteve që jam aktiv në politikë. Unë kam parë aty se PS ishte e shkatërruar prej udhëheqjes së vet, atyre që ishin në krye të partisë”, tha Koço Kokëdhima.
Ish-deputeti socialist tha se ata që drejtojnë sot PS nuk kanë lidhje me të majtën dhe me Partinë Socialiste. “E kam për Edi Ramën, e kam për ekipin e tij drejtues, për gjithë grupin e tij qeverisës që e kanë arratisur PS nga shinat e së majtës. PS e ndan një hendek i tërë me popullin dhe me të majtën”, tha ai.
Kokëdhima shtoi se në 4 vitet e fundit PS është kthyer në një degradim dhe nuk është parti politike me standarde.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
