Pyetja se pse disa njerëz zhvillojnë probleme me pijen, ndërsa të tjerë jo, i ka ngacmuar shkencëtarët prej shumë kohësh. Por një studim i kohëe të fundit i jep përgjigje kësaj pyetjeje.
Një ekip shkencëtarësh nga Instituti Salk në Kaliforni u përqëndruan në studimin e trurit dhe lidhjet që mund t’i bëjnë disa njerëz më të predispozuar për të qenë të varur nga alkooli. Eksperimentet me minj treguan se një qark i trurit mund të parashikojë me saktësi cilët minj do të zhvillojnë konsumin kompulsiv të alkoolit disa javë para fillimit të sjelljes", shpjegon drejtuesi i grupit, Kay Tye.
Studiuesit i ndanë minjtë ne tre grupe: konsumues të dobët, konsumues të fortë dhe konsumues komplusivë. Për dallim nga dy grupet e para, grupi i tretë tregoi pandjeshmëri ndaj pasojave negative, siç ishte rasti kur shkencëtarët e bënin të hidhur shijen e alkoolit.
Më pas ata përdorën teknika të posaçme imazherie për të studiuar qelizat dhe rajonet e trurit me interes para se të pinë, gjatë pirjes dhe pasi pinë alkool.
Duke i kushtuar vëmendje të veçantë veprimtarisë së neuroneve në dy rajone të përfshira në kontrollin e sjelljes dhe përgjigjen ndaj ngjarjeve anësore, ata zbuluan se zhvillimi i konsumit kompulsiv ishte i lidhur me modelet e komunikimit nervor midis dy rajoneve të trurit dhe ishte një tregues bio për parashikimin e të ardhmes.
Plani tjetër i studiuesve është t’i rendisin këto neurone në mënyrë që të identifikojnë ato që mund të përdoren për të trajtuar njerëzit me probleme të alkoolit. Gjetjet e plota të studimit janë botuar në revistën “Science”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
