Grupi britanik i muzikës Rock “Pink Floyd” është rikthyer pas 28 vitesh me një këngë të re me titull “Hey Rise Up”. Kënga krijohet me synim mbledhjen e fondeve për t’u solidarizuar me popullin ukrainas, që po vuan pasojat e luftës së nisur nga Rusia.
Regjistrimi përfshin David Gilmour dhe Nick Mason me basistin Guy Pratt, Nitin Sawhney në tastierë, me një performancë vokale mahnitëse nga Andriy Khlyvnyuk i grupit ukrainas Boombox.
Regjistrimi i “Pink Floyd” frymëzohet nga “The Red Viburnum In The Meadow”, që është një këngë proteste popullore ukrainase e shkruar gjatë Luftës së Parë Botërore dhe e cila u përhap në mbarë botën gjatë muajit të kaluar. Titulli i këngës së Pink Floyd e ka zanafillën pikërisht nga fraza e fundit e këngës ukrainase, “Hey Rise Up and rejoice”.
Gilmour ka edhe një lidhje personale me Ukrainën, ku bashkëshortja e djalit të tij dhe nipërit kanë gjak ukrainas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
