Gazetari Taulant Kopliku foli sot nga studio e lajmeve të MCN TV lidhur me dokumentarin e realizuar për Luftën në Siri dhe përfshirjen e shqiptarëve. Përmes një lidhje Skype Kopliku tregoi se në dy kampet ku ka qenë bënte përshtypje frika që mbizotëronte. I pyetur lidhur me numrin e shqiptarëve në të dy kampet gazetari tha se është rreth 50 persona, përfshirë gra dhe fëmijë nga Maqedonia e Veriut dhe 4-5 persona nga Kosova.
Intervista e Taulant Koplikut:
Z. Kopliku, per ata qe na ndjekin, ju keni realizuar nje dokumentar mbi luften ne Siri dhe perfshirjen e shqiptareve ne te. Mund te na thoni si depertuat ne Siri?
Kopliku: Ishte hera e dytë që unë dhe operatori im shkuam në Siti. Herën e parë shkuam me emisionin që unë punoj në Itali. Atje ishte përballja ime e parë me kampet, gjysmë burgjet ku ndodhen luftëtarët e ISIS. Kishim një kohë të limituar qëndrimi dhe do merreshim me historinë e vogëlushit Albin dhe e para të pamundur të marr deklarime nga gratë shqiptare. Morëm kontakte me miqtë tanë kurdë atje por pandemia bllokoi gjithçka për 2020-ën për të treguar jetën e grave dhe fëmijëve shqiptarë atje, Kemi nisur 2 muaj më parë dhe puna nisi në qytetin e Rakas ku dhuna dhe terrori kanë qenë në ekstremitetin më të madh. Kemi marrë rrëfimet e banorëve që e kanë vuajtur dhunën.
Ju keni qene ne dy kampe mos gaboj ku keni folur edhe me shqiptare. Cfare ju ka bërë me shume përshtypje?
Kopliku: Bënte përshtypje frika që mbizotëronte në qytet pavarësisht se ishte nën kontrollin e kurdëve. Njerëzit po mundoheshin ti riktheheshin jetës normale, por mes frikës nga celulat e mbetura. Përshtypje më ka bërë një person i burgosur vetëm se e kapën duke shitur cigare. E dënuan me vdekje, por fati i mirë i tij ishte që u arratis pak kohë pas rënies së ISIS.
Sa shqiptare ndodhen ende aty?
Kopliku: Nga informacionet që unë kam në dy kampet, në kampin më të madh dhe më të dhunshëm dhe në tjetrin ku gratë dhe fëmijët i janë bindur rregullave janë 50 persona, gra dhe fëmijë. Kjo shifër ka të përfshirë edhe shqiptarë nga Maqedonia e Veriut, ndërkohë që nga Kosova mund të jenë 4-5 persona.
Si është situata tani ne Siri? Ekziston rreziku i ndarjes se vendit apo Damasku e ka marre kontrollin mbi vendin?
Kopliku: Nuk mund të thuhet se Damask e ka marrë kontrollin. Nga njëra anë janë dhe forcat kurde që pas fitores së ISIS kanë arritur forcat për krijimin e një shteti. Plus janë edhe territoret që kontrollohen nga ushtria opozitare siriane që nga pjesa më e madhe konsiderohet si ISIS. Jemi në një situatë ku Siria mposhti ISIS por është në një statusko.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
