Tirana është eliminuar në turin e parë në Champions League, pasi u mposht në të dyja ndeshjet nga Dudelange me rezultatin e përgjithshëm 1-3.
Pas humbjes minimale në ndeshjen e parë, kampionët e Shqipërisë kërkonin përmbysjen në sfidën e kthimit në “Air Albania”, por nuk ia dolën dot.
Pavarësisht rasteve të shumta, pjesa e parë u mbyll pa gola. Pjesa e dytë nisi menjëherë me gol, teksa Bojic me një gjuajtje të fortë nga jashtë e ndali topin në rrjetë, duke i dhënë avantazhin skuadrës nga Luksemburgu.
12 minuta më vonë, ishte Sinani që shënoi të dytin, duke i dhënë një goditje të rëndë bardhebluve. Xhixha rihapi sfidën, duke shënuar në minutën e 78-të, por vetëm kaq, pasi nuk arritën të bëjnë më shumë.
Tirana eliminohet kështu në turin e parë në Champions League, por rrugëtimin në Europë do e vazhdojnë në turin e dytë në Conference League, aty ku do të përballen me boshnjakët e Zrnjiski.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
