Partia Demokratike ka reaguar në lidhje me dy ngjarjet e orëve të fundit që kanë tronditur opinionin publik, atë të vrasjes së Demir Backës në Fier dhe grabitjen dhe dhunimin e biznesmenit në Fushë Krujë.
Deputeti i PS-së, Ervin Salianji, shkruan se askush nuk ndihet i sigurt dhe se këto ngjarje tregojnë mungesën e çdo lloj frikë nga shteti.
Salianji thotë se qeveria është e paaftë të mbrojë jetën e qytetarëve dhe pronë e tyre, madje e akuzon se i përdor këto element kriminal në zgjedhje.
“Për fat të keq gjendja e rendit publik degradon çdo ditë e më shumë!
Askush nuk ndihet i sigurt për familjen, biznesin, fëmijët. Vrasjet e tipit mafioz si ajo në mes të qytetit në Fier janë shtuar, tmerri i ngjarjes së Krujës vendos kujën për gjithçka i ka ndodhur familjes së një biznesmeni, tregon mungesë e çdo lloj frike nga shteti!
Qeveria i përdor këta llumra në zgjedhje dhe ata sot ndihen zotër të vendit që mund te prodhojnë gjithçka përtej imagjinatës!
Qeveria jo vetëm është e paaftë të mbrojë jetën, pronën dhe rendin por reagimet e saj janë të vobekta duke i kaluar ngjarjet si normalitet
Qeveria duhet te mbaje përgjegjësi, krahas pasigurisë social-ekonomike, shqiptaret sot nuk kanë as siguri publike!
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
