Vrasja e liderit të Iniciativës Qytetare, Oliver Ivanoviç, mëngjesin e djeshëm në Mitrovicë, ka bërë që të ndërpritet takimi i radhës në kuadër të bisedimeve Prishtinë-Beograd.
Drejtori i të ashtuquajturës Zyrë për Kosovën në Qeverinë e Serbisë, Marko Gjuriç, thotë se dialogu nuk mund të rifillojë deri në zbardhjen e vrasjes së Ivanoviçit.
Ai ka kërkuar që autoritetet e Kosovës të gjejnë autorët e vrasjes, e cila sipas tij nuk mund të jetë kryer nga një serb.
“Informacionet që i kemi marrë deri tani tregojnë për një organizatë të madhe të mirë organizuar. Çdo minutë jemi duke pranuar informacione të reja, dhe çdo herë e më shumë jam i bindur se vrasësi nuk është nga vendi ynë dhe sigurisht nuk është as ndonjë serb nga Kosova. Nuk po i lusim, por kërkojmë nga organet e sigurisë në Kosovë t’i gjejnë autorët dhe t’i vënë para drejtësisë”, ka thënë ai për mediat serbe.
Oliver Ivanoviç u vra dje me 6 plumba teksa shkonte në zyrën e tij. Policia zbuloi se për kimin ishte përdorur një pistoletë “Zastava”, prodhim serb. Ivanoviç është qëlluar nga një makinë në lëvizje, e cila më pas dyshohet se është gjetur e djegur në një fshat jo shumë larg vendit ku ndodhi krimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
