16 vite më parë, përkatësisht më 15 mars të vitit 2008 Tirana do të lëkundej nga një shpërthim i fuqishëm i ndodhur vetëm pak kilometra larg, në fshatin Gërdec.
Magazina e kthyer në fabrikë për demontimin e armëve shpërtheu, duke u marrë jetën të paktën 26 personave, ndërsa qindra të tjerë mbeten të plagosur.
Shumë shtëpi u shkatërruan totalisht dhe shpërthimi krijoi një krater të madh.
Sot, 16 vite pas ngjarjes askush nuk është dënuar për jetët e marra.
Ky shpërthim i mori jetën 26 njerëzve të pafajshëm, mes të cilëve gra dhe fëmijë të mitur, ndërkohë u plagosën mbi 300 të tjerë.
Ndonëse kanë kaluar 16 vite familjarët e viktimave ende kanë shpresë se drejtësia e re, se SPAK do të çojë pas hekurave përgjegjësit e kësaj tragjedie.
SPAK ka hapur çështjen dhe ka nisur hetimet për akuza të rënda “Korrupsion i zyrtarëve të lartë” dhe “pastrim parash”. Një sërë provash bëjnë përgjegjës Fatmir Mediun, i cili aso kohe ishte ministër i Mbrojtjes.
Prokuroria Speciale dërgoi në gjyq të ish-ministrin i cili akuzohet për dy akuza të lidhura me “Shpërdorimin e detyrës” kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
