“Fshati ukrainas i Stanytsia Luhanska, u bombardua me armë të rënda nga territori i pushtuar nga Donbas. Infrastrukturat civile u dëmtuan. Iu kërkojmë të gjithë partnerëve perëndimorë që të reagojnë dhe të dënojnë këtë shkelje të rëndë të marrëveshjes së Minskut nga ana e Rusisë, në një situatë kur siguria është e tensionuar”.
Ky mesazh u shkrua në Twitter, nga ministri i Jashtëm ukrainas, Dmytro Kuleba.
Organizata për Sigurinë dhe Bashkëpunimin në Europë, OSBE, raportoi në orët e para të ditës së sotme, bombardime të shumta në Ukrainën Lindore.
Separatisët e mbështetur nga Moska, aktiv në zonë, akuzuan nga ana e tyre Ukrainën, se hapi zjarr katër herë në 24 orët e fundit, akuzë e cila u përgënjeshtrua nga Kievi.
Ushtria ukrainase, bëri me dije se forcat separatiste të mbështetura nga Rusia në Ukrainën lindore, qëlluan disa herë me mitraloz, drejt një fshati në rajonin e Lugansk, duke qëlluar një kopsht, por pa të lënduar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
