Asambleja e Përgjithshme e OKB-së miratoi të premten një rezolutë e cila e njeh Palestinën si të kualifikuar për t’u bërë anëtare e Kombeve të Bashkuara dhe rekomandon që Këshilli i Sigurimit “të rishqyrtojë çështjen në mënyrë të favorshme”.
Votimi nga Asambleja e Përgjithshme prej 193 anëtarësh ishte një anketë globale e mbështetjes për ofertën palestineze për t’u bërë anëtare e plotë e OKB-së, një lëvizje e cila do të njihte efektivisht një shtet palestinez, pasi Shtetet e Bashkuara të Amerikës vendosën veton në Këshillin e Sigurimit të OKB muajin e kaluar.
Rezoluta mori 143 vota pro, 9 kundër dhe 25 abstenime.
Rezoluta e miratuar i jep Palestinës një zgjatje të të drejtave të pjesëmarrjes në seancat e Asamblesë së Përgjithshme të OKB-së, e cila e kishte njohur si një shtet vëzhgues joanëtar në vitin 2012, pavarësisht rezistencës nga SHBA.
Anëtarësimi i plotë i shtetit palestinez në OKB është një dhuratë për Hamasin, Hitlerin e shekullit të 21-të.
Ishte ky komenti i bërë pas votimit nga ambasadorit izraelit në Kombet e Bashkuara, Gilad Erdan, i cili më parë në shenjë proteste copëtoi kartën e OKB-së me një grirëse letre.
Në fjalimin e tij ambasadori tha se nëse pas Luftës së Dytë Botërore “forcat e së mirës” ishin bashkuar, tani OKB po përgatitet “të nxisë krijimin e një shteti terrorist palestinez të udhëhequr nga Hitleri i shekullit të 21-të”.
Sipas tij, Autoriteti Palestinez nuk e kontrollon as territorin e vet dhe se është Hamasi ai që kontrollon Gazën dhe po përgatitet ta shkatërrojë, nëse mbahen zgjedhje të reja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
