Institutet kërkimore britanike thonë se janë në fazat e fundi të testimit të një lloji të ri stetoskopi, i cili është i pajisur me aplikacione të Inteligjencës Artificiale. Sipas mediave britanike, kjo aparaturë e re mund të ndihmojnë në zbulimin e tre sëmundjeve të ndryshme të zemrës brenda sekondave. Një ekip shkencëtarësh britanikë ka muaj që kryen studime mbi këtë version modern të stetoskopit dhe konfirmuan për BBC-në se ai mund të dallojë pothuajse menjëherë mundësinë e infarktit e zemrës, sëmundje të valvulave të zemrës dhe ritmet jonormale.
Pajisja e re mund pritet të sjellë rezultate më të mira për trajtimin e pacientëve më shpejt. Pajisja e re përdor një mikrofon të specializuar për të analizuar ndryshimet e vogla në rrahjet e zemrës dhe rrjedhjen e gjakut, të cilat me stetoskopin aktual veshi i njeriut nuk mund t'i zbulojë.
Risia është se në kohë reale, ky stetoskop bën elektrokardiogramë, duke regjistruar sinjale elektrike nga zemra ndërsa i dërgon këto informacione për t’u analizuar nga inteligjenca artificiale e trajnuar mbi të dhënat e sëmundjeve të zemrës nga qindra mijëra pacientë.
“Ky është një shembull elegant se si stetoskopi i thjeshtë, i shpikur më shumë se 200 vjet më parë, mund të përmirësohet për shekullin e 21-të. Inovacione të këtilla janë jetësore sepse shumë shpesh këto gjendje diagnostikohen vetëm në faza të avancuara kur pacientët shkojnë në spital me urgjencë”, tha mjekja kardiologe Sonya Babu-Narayan.
Gjetjet e studimit janë prezantuar edhe në kongresin vjetor të Shoqatës Evropiane të Kardiologjisë në Madrid, ndërsa pritet të dalë në treg në vijim kjo pajisje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
