Pas gati gjashtë muajsh pritje, ish-deputetja suedeze Caroline Nordengrip më në fund ka arritur që t’i bashkohet ushtrisë ukrainase.
43-vjeçarja përfaqësuese e krahut të djathtë suedez, e cila kishte kohë që stërvitej përkrah ushtrisë së Kievit, ka marrë lejen për t’u regjistruar në luftën kundër Rusisë.
“Tani, pas ditësh burokraci, më lejuan të regjistrohem në ushtrinë e rregullt. Më morën gjurmët e gishtërinjve, fotot, vizita me mjekët, psikologët, të paktën 30 firma” , ka shkruar Nordengrip në profilin e saj në Instagram ku ka rrëfyer rrugën që e çoi në ushtrinë ukrainase.
Ish-deputetja, e cila ka publikuar dokumentacionin zyrtar falë të cilit mund të vendoset në fushën e betejës, do t’i shërbejë forcave të armatosura ukrainase në radhët e Legjionit Ndërkombëtar. Nordengrip, ndau në rrjetet sociale një sërë fotografish nga seancat stërvitore, të shoqëruara me fraza admirimi për luftëtarët e Kievit , të cilët “i rezistojnë sulmit rus 24 orë në ditë, në të gjitha kushtet, të ftohtë apo të nxehtë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
