Eliminimi i bakterit të ulçerës mund të jetë një mënyrë shumë efektive për të parandaluar rrezikun e kancerit të stomakut. Kjo strategji e përgjysmon rrezikun e prekjes nga sëmundja e rëndë.
Kjo u zbulua nga një provë klinike e shpalosur në New England Journal of Medicine dhe e kryer nga Il Ju Choi nga Qendra Kombëtare e Kancerit në Goyang, Koreja e Jugut. Gjatë eksperimentit u vu re se, nëse helikobakter pylori zhdukej, mund të parandaloheshin në masën 80-90% rastet e kancerit të stomakut te personat nën 40 vjeç dhe një në katër raste tek të moshuarit.
Ekspertët përfshinin 1 676 individë të gjithë në rrezik të lartë për kancer në stomak për shkak të të afërmve që kishin sëmundje.
Pas konstatimit se ata kishin bakterin e ulçerës, gjysmës së tyre iu dha terapia me placebo, gjysma tjetër një terapi me antibiotikë që zgjati një ose dy javë. Nëntë vjet pas terapisë, më shumë se dyfishi i atyre që ishin trajtuar me placebo u sëmur me kancer në stomak në krahasim me ato të grupit që morën antibiotik. Në thelb, ekspertët kanë vlerësuar se trajtimi i helikobakterit me antibiotikë zvogëlon me 55-73% rrezikun e kancerit të stomakut për individët me rrezik të lartë të sëmundjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
