Prokuroria pranë Gjykatës së Shkallës së Parë, Tiranë dhe Shërbimi për Çështjet e Brendshme dhe Ankesat (SHÇBA), nënshkruan sot një Memorandum të përbashkët bashkëpunimi.
Në këtë Memorandum është rënë dakord ngritja e një Task-Force të përbashkët, me qëllim forcimin e veprimeve të përbashkëta hetimore për çështjet që lidhen me korrupsionin e zyrtarëve, lëndët narkotike, veprat penale në procesin zgjedhor, veprimet arbitrare dhe tejkalimin e kompetencave të policise së shtetit gjatë ushtrimit të detyrës.
Task-Forca mes Prokurorisë dhe Shërbimit për Çështjet e Brendshme dhe Ankesat,vjen në një kohë kur vendi ndodhet në një situatë të rëndë politike dhe njëkohsisht opozita proteston për zgjedhje të parakohshme dhe qeveri tranzitore.
Memorandumi u nënshkrua nga Drejtuesja e Prokurorisë pranë Gjykatës së Shkallës së Parë, Tiranë, Znj. Elizabeta Imeraj dhe Drejtori i Përgjithshëm i SHÇBA-së, Z. Muhamet Rrumbullaku, në praninë e zyrtarëve të SHÇBA-së dhe prokurorë të Prokurorisë pranë Gjykatës së Shkallës së Parë, Tiranë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
