Një person ka humbur jetën dhe një tjetër është plagosur si pasojë e një zjarri të rënë mëngjesin e kësaj të diele në zonën e Fllakës, në Sektor Rinia të Durrësit.
Sipas informacionit paraprak, rreth orës 08:00, flakët përfshinë një nga ambientet e magazinave të një subjekti privat me administrator shtetasin S. M. Dyshohet se zjarri ka nisur në ambientin ku gatuhej për punonjësit, si pasojë e shpërthimit të një bombule gazi.
Për pasojë, ka ndërruar jetë nga asfiksia shtetasi O. M., rreth 25 vjeç, me origjinë nga Bangladeshi.
Ndërkohë, një tjetër punonjës, shtetasi Ch. Ch., rreth 30 vjeç, nga Kenia, është transportuar në spital, ku po merr ndihmë mjekësore.
Menjëherë pas njoftimit, në vendngjarje mbërritën shërbimet e Policisë dhe forcat zjarrfikëse, të cilat bënë të mundur neutralizimin e flakëve.
Grupi hetimor, nën drejtimin e Prokurorisë, vijon punën për zbardhjen e plotë të rrethanave të ngjarjes, përcaktimin e shkakut të zjarrit dhe dokumentimin ligjor të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
