Restorantet, dyqanet dhe hapësirat kulturore në të gjithë Francën rihapen sot, pas disa muajsh të mbyllura, si pasojë e pandemisë së koronavirusit.
Nga sot, grupe me deri në gjashtë persona do të lejohen të hanë së bashku në tarracat e restoranteve.
Pas gjashtë muajsh bllokim, presidenti Emmanuel Macron u ul sot në kafe, bashkë më kryeministrin francez, Jean Castex.
Macron kërkoi nga qytetarët të vijojnë të kujdesen, ndërsa shtoi se shifrat në ulje tregojnë se po ecet në drejtimin e duhur.
Franca është vendi me numrin më të madh të të infektuarve në Evropë, me mbi 5.9 milionë.
Më shumë se 20 milionë njerëz tani kanë marrë së paku një dozë të vaksinës, ndërsa gati nëntë milion i kanë marrë të dyja dozat.
Franca ka regjistruar mbi 108,000 viktima nga koronavirusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
