Një tjetër kryetar bashkie në shënjestrën e Partisë Demokratike. Sekretari i Përgjithshëm i Partisë Demokratike, Gazment Bardhi, kërkoi sot verifikimin e menjëhershëm të figurës së kryebashkiakut të Matit, Agron Malaj. Shkak për këtë kërkesë, selia blu sjell dënimin e Malajt për armëmbajtje pa leje, çka e bën subjekt të ligjit të dekriminalizimit.
"Agron Malaj rezulton se ndodhet në kushtet e ndalimit për të kandiduar në një funksion publik. Është dënuar me vendim gjyqësor të formës së prerë për armëmbatje pa leje dhe sipas ligjit për demkriminalizimin i ndalohet kandidimi përjetë në një funksion publik", tha Bardhi.
PD i kërkon Prokurorisë së Përgjithshme dhe më pas KQZ të veprojë për administrimin e vendimit zyrtar të gjykatës së Matit dhe heqjen e mandatit për kryebashkiakun Agron Malaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
