Një test i thjeshtë gjaku mund të shpëtojë jetën e mijëra pacientëve me atak në zemër. Sipas një studimi të ri, testi i shpejtë mund të ndihmojë mjekët të dallojnë njerëzit në rrezik të lartë të vdekjes pas një sulmi të dyshuar.
Studiuesit zbuluan se matja e niveleve të proteinës C-reaktive me ndjeshmëri të lartë (CRP) - një shenjë e njohur e inflamacionit në gjakun e njerëzve pas një ataku në zemër mund të ndihmojë në përcaktimin e saktë nëse ata janë në rrezik të vdesin në tre vitet e ardhshme.
Testi i gjakut, i cili përdoret tashmë në spitale për të diagnostikuar kushte të tjera, mund të sigurojë që ata me rrezikun më të lartë të monitorohen nga afër dhe t'u jepet trajtim më intensiv.
Në momentin kur mjekët mendojnë se një person ka pësuar një atak në zemër, ata kryejnë një test gjaku për troponinën, një proteinë që lëshohet në gjak kur zemra dëmtohet.
Normalisht, niveli i CRP në gjak është 2 mg/L ose më pak. Megjithatë, hulumtimi zbuloi se një matje e rritur prej 10-15 mg/L CRP në ata me një test pozitiv të troponinës parashikoi një rrezik mbi 35 për qind të rritjes së vdekjes tre vjet më vonë.
Profesor James Leiper, drejtor mjekësor i asociuar në BHF, tha: "Duke identifikuar më mirë se cilët njerëz janë më të rrezikuar, ky test i thjeshtë gjaku mund të ndihmojë në drejtimin e trajtimeve anti-inflamatore tek ata që kanë më shumë nevojë për të".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
