Tre ditë para raundit të ri të dialogut, Escobar viziton Serbinë dhe Kosovën

I dërguari i posaçëm i DASH për Ballkanin Perëndimor, Gabriel Escobar, do të vizitojë nesër Serbinë dhe mandej edhe Kosovën.

REL raporton se zyrtari i lartë amerikan parashikohet të zhvillojë takime të ndara me kryeministren Bërnabiç dhe Presidentin Vuçiç.

Vizita e tij vjen tre ditë para rundit të ri të dialogut mes Kosovës dhe Serbisë, që do të mbahet më 18 mars në Ohër të Maqedonisë së Veriut.

DASH ka deklaruar se një marrëveshje për zbatimin e propozimit evropian “është thelbësore për normalizimin” e raporteve Prishtinë-Beograd.